Таласта өтчү Көчмөндөр оюндарына ыктыярчылар керек

Таласта өтчү Көчмөндөр оюндарына ыктыярчылар керек
24-Авг. 2019, Ишемби, 11:17

Талас облусунда өтө турчу биринчи Улуттук көчмөндөр оюндарына ыктыярчылар керек. Бул тууралуу Жаштар иши, дене тарбия жана спорт агенттиги кабарлады.

Маалыматка караганда, аталган долбоорго бир гана Талас облусунун аймагында жашаган жаштар ыктыярчы боло алары айтылат.

Эскерте кетсек, быйыл президент Сооронбай Жээнбеков Кыргызстанда жыл сайын Көчмөндөрдүн республикалык оюндары ар кайсы облустарда өткөрүлө турганын жар салган. Ага ылайык, биринчи оюндар Талас облусунда сентябрь айында өткөрүлөт.

Ал эми үчүнчү дүйнөлүк Көчмөндөр оюну былтыр Ысык-Көлдө өткөн. Ага 60 мамлекеттен келген спортчулар катышкан. Кыргызстан эстафетаны Түркияга өткөрүп берген.


Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!