Бишкекте 30дан ашуун Disney каармандары пайда болду

Бишкекте 30дан ашуун Disney каармандары пайда болду
26-Авг. 2019, Дүйшөмбү, 11:22

Борбор калаадагы жаңы паркка Walt Disney кинокомпаниясынын каармандарынын фигуралары коюлду. Бул тууралуу мэриянын басма сөз кызматы билдирди.

Маалыматка ылайык, Түштүк магистраль менен Чыңгыз Айтматов проспектисинин кесилишиндеги парктын курулуш иштери соңуна чыгып бара жатат. Азыркы тапта көрктөндүрүү иштери жасалып, 30дан ашуун жаныбардын фигурасы коюлду.

Фигураларды жасап орнотууга 200 миң сом кеткендиги маалыматта айтылат.

Эскерте кетсек, Уолт Дисней компаниясы – дүйнөнүн көңүл ачуу өнөр жайындагы чоң корпорациялардын бири. Анын негиздөөчүсү Америкалык сүрөтчү, кинорежиссёр-мультипликатор Уолт Дисней 1901-жылы төрөлүп, 1966-жылы каза болгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!