Эгемендүүлүк күнүнө карата борбордогу кээ бир көчөлөр жабылат

Эгемендүүлүк күнүнө карата борбордогу кээ бир көчөлөр жабылат
28-Авг. 2019, Шаршемби, 13:42

Кыргызстандын Эгемендүүлүк күнүнө карата "Ала-Тоо" аянтында уюштурулуп жаткан иш-чарага байланыштуу кээ бир көчөлөр убактылуу жабылат. Бул тууралуу мэриянын басма сөз кызматы билдирди.

Маалыматка ылайык, 28-августтан 30-августка чейин эртең мененки саат 9:00дөн 11:00гө чейин Чүй проспектисинин Эркиндик проспектисинен Панфилов көчөсүнө чейинки бөлүгү жабык болот.

Ал эми 31-август күнү саат 8:00дөн 12:00гө чейин жана 19:00дөн 23:00гө чейин төмөнкү жолдор жабылат:

Чүй проспектисинин Тыныстановдон Тоголок Молдо көчөсүнө чейинки бөлүгү;

Киев көчөсүнүн Эркиндик проспектисинен Логвиненко көчөсүнө чейинки бөлүгү;

Фрунзе көчөсүнүн Панфиловдон Раззаков көчөсүнө чейинки бөлүгү;

Жогоруда аталган аймак менен чектешкен Абдымомунов көчөсү дагы жабылмакчы.

Мэрия айдоочуларды алдын ала альтернативдүү жолдорду тандап алууга чакырат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!