"Дордой" базарынан ден соолукка зыян келтире турган китептер табылды

6-Сен. 2019, Жума, 14:28

"Дордой" базарындагы "Оберон" соода түйүнүндө мектеп окуучуларынын ден соолугуна зыян келтирчү китептер табылды. Бул тууралуу УКМКдан билдиришти.

Маалыматка ылайык, базарды текшерүү учурунда 28 түрдүү 8 миң нускадагы китептер табылып, аларды экспертизадан өткөрүү учурунда ден соолукка терс таасир этчү боек бар экени аныкталган.

Териштирүү иштеринин жүрүшүндө китептер Бишкек шаарындагы жеке "Аль Салам" жана "Турар" басмаканаларында даярдалганы белгилүү болгон. Бирок алар башка фирмалардын товардык белгилерин колдонушкан.

Бул факты Кылмыш жана жоруктардын бирдиктүү реестрине Жазык кодексинин «Башка товардык белгини, тейлөө белгисин, бир түрдөгү товарлардын же окшош товарлардын белгилери келип чыккан жердин аталышын мыйзамсыз пайдалануу» беренеси боюнча кылмыш иши козголду. Учурда тергөө иштери жүрүүдө.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР