Эртең Бишкектин эки конушунда таза суу болбойт

Эртең Бишкектин эки конушунда таза суу болбойт
4-Ноя. 2019, Дүйшөмбү, 13:36

Эртең, 5-ноябрь күнү саат 09:00 менен 17:00 аралыгында Бишкектин "Ала-Тоо 1" жана "Ала-Тоо 2" конуштарында таза суу токтотулат. Бул тууралуу мэриянын басма сөз кызматы маалымдады.

Мындай чектөөлөр «Калыс-Ордо» жана «Мурас-Ордо» суу топтомдорундагы оңдоо иштеринен улам экендиги айтылды. Таза суу Ара-Көл, Батыш, Улук-Тоо, Дмитрова, Кызыл-Тоо көчөлөрү менен чектелген аймактарда өчүрүлөт. Анын ичинде:

- № 86 мектептин имаратында;

- Калыс-Ордо көчөсүндөгү «Бактылуу балалык» бала бакчасында;

- Калыс-Ордодогу үй-бүлөлүк дарыгерлер борборунун имаратында;

- Мурас-Ордодогу үй-бүлөлүк дарыгерлер борборунун имаратында таза суу болбойт.

Бул күнү таза суу токтотулган мектеп жана бала бакчалар иштебейт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!