Бишкектеги № 117 маршруттук унаанын айдоочусу жүргүнчүдөн жол киреге 20 сом талап кылгандыгы үчүн жумушунан 5 күнгө четтетилди. Бул боюнча мэриядан кабарлашты.

Маалыматка ылайык бул окуя боюнча № 117 маршруттун айдоочулар курамына чогулуш болуп, Б.Т.га «Дордой Транс» ЖЧК тарабынан сөгүш берилди.

Мэриядан кабарлашкандай, окуя айдоочунун жумуш убактысы аяктап, үйүнө кетип бара жатканда болгон.

Эскерте кетсек, окуя өткөн жумада катталган. Аталган айдоочунун өзү бекиткен сумманы бир жүргүнчүдөн башкасы төлөшкөн. Ал эми 20 сом бере албаган адамды унаадан түшүрүп салган.