Бишкек-Ош жолундагы жол кырсыктарынан 6 адам каза болуп, 3өө ооруканага жеткирилди. Бул тууралуу Ички иштер министрлиги билдирди.
Маалыматка ылайык, 9-ноябрда эртең мененки саат 6да Бишкек-Ош жолунда “Тойота” үлгүсүндөгү унаанын айдоочусу рулга ээ боло албай унаа аласалып кеткен. кырсыктан улам тажикстандык эки жаран окуя болгон жерде каза болгон, дагы эки экөө жеңил жаракат алган.
Ошондой эле 9-ноябрда саат 11:00дөр чамасында Кара-Жыгач айылына жакын жерде болгон. Анда жеңил унаа менен “КамАЗ” кагышкан. Кырсыктын кесепетинен 4 жаран каза болгон. Алар Токтогул районунун Кара-Жыгач айылынын тургундары. Ал эми дагы бир жаран ооруканага жеткирилген.
Учурда жол кырсыктары боюнча иликтөө иштери жүрүүдө.