Манасчынын мааракеси ЮНЕСКОнун календарында
Манасчы Сагымбай Орозбаковдун мааракеси ЮНЕСКОнун белгилүү даталар календарынын тизмесине киргизилди. Бул тууралуу Кыргыз республикасынын ЮНЕСКО иштери боюунча улуттук комиссиясы билдирди.
Маалыматка караганда, ЮНЕСКОнун башкы конференциясынын 39-сессиясынын алкагында 2018-2019-жылдардагы белгилүү даталар календарынын тизмесине манасчы Сагымбай Орозбаковдун 150 жылдык мааракеси киргизилген.
Белгилүү даталар боюнча календарынын тизмеси 2 жылда бир түзүлөт. Аталган тизмеге уюмга мүчө өлкөлөр өздөрүнүн тарыхый окуяларга жана маданият билим берүү илим жаатындагы белгилүү инсандарга тиешелүү даталарды сунуштай алышат.
2018-2019-жылдардагы белгилүү даталар тизмесине Леонардо да Винчинин 500 жылдыгы, Иван Тургеневдин 200 жылдыгы жана Нельсон Манделанын 100 жылдык маарекелери киргизилген.