17-февраль: аймактарда кар жаайт
17-февралда Кыргызстандын бир катар аймактарында кар жаайт. Бул тууралуу Кыргызгидромет билдирди.
Маалыматка караганда, Чүй, Талас, Ош, Жалал-Абад, Баткен облустарынын кээ бир райондорунда туман түшөт. Жолдор тоңуп, тайгак болот. Батыштан соккон шамалдын ылдамдыгы секундасына 2-7 метрге чейин жетет.
Абанын температурасы:
Ысык-Көлдө түнкүсүн -11…-12 градус суук болсо, күндүз абанын температурасы 0…-5 градуска чейин төмөн болот.
Нарында дем алыш күндөрү түндө -20…-22 градус суук болсо, күндүз -10 градуска чейин суук болот.
Чүй менен Таласта түндө -12 градуска чейин суук болуп, күндүз -7 градуска чейин төмөндөйт.
Ош, Жалал-Абад жана Баткен облустарында түндө -9 градуска чейин суук болуп, күндүз күндүн табы 3 градуска чейин жылыйт.
17-февралда Бишкек шаарында түнкүсүн -8…-10 градус суук болсо, күндүз -4 градуска чейин муздайт.
Ош шаарында түндө -3…-5 градус суук болсо, күндүз 1 градуска чейин жылыйт.