Жакынкы 5 күндө кандай аба ырайы күтүлөт?

Жакынкы 5 күндө кандай аба ырайы күтүлөт?
15-Сен. 2018, Ишемби, 14:49

Кыргызгидромет борбору 19-сентябрга чейин күтүлгөн аба ырайы тууралуу болжолдуу маалымат таратты.

Маалыматка карганда, 16-сентябрда Ысык-Көл, Нарын облустарынын кээ бир райондорунда жаан жаап, күн күркүрөшү, бийик тоолуу райондордо кар жаашы күтүлөт, калган аймактарда жаан-чачын күтүлбөйт.

17-19-сентябрларда жаан-чачын күтүлбөйт. Батыштан соккон шамалдын ылдамдыгы секундасына 4-9 метрге чейин жетет.

20-сентябрда түнкүсүн жаан-чачын күтүлбөйт, 20-сентябрда күндүз жана 21-сентябрда тоолуу райондордо жаан-чачын жаашы мүмкүн. Абанын температурасы өзгөрүлүп турат.

Талас, Лейлек, Базар-Коргон, Аксы, Токтогул, Жети-Өгүз жана Нарын райондорунун токойлорунда өрттүн жогору коркунучу бар,калган аймактардын токойлорунда өрттүн коркунучу аз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!