17-апрель: тоолуу райондордо кар жаашы күтүлөт
Бүгүн, 17-апрелде Чүй, Талас, Жалал-Абад облустарынын көпчүлүк аймактарында жаан жаап, күн күркүрөйт, тоолуу райондордо кар жаашы күтүлөт. Ош, Баткен, Ысык-Көл, Нарын облустарында жаан-чачын айрым жерлерде күтүлөт. Тоолуу райондордо жолдор тайгак жана тоңголок болушу, кар күрткүсү күтүлөт. Батыштан соккон шамалдын ылдамдыгы секундуна 4-9 метрден, кээ бир райондордо 17-22 метрге жетиши күтүлөт. Бул тууралуу Кыргызгидромет кызматы билдирди.
Абанын температурасы:
Чүйдө түнкүсүн +6...+11, күндүз +13...+18;
Таласта түнкүсүн +4..+.9, күндүз +12...+17;
Баткен, Ош, Жалал-Абадда түнкүсүн +8...+13, күндүз +19...+24;
Ысык-Көлдө түнкүсүн +1...+6, күндүз +9...+14;
Нарында түнкүсүн -1...+4, күндүз +12...+17;
Борбор калаа Бишкекте мезгил-мезгили менен жаан жаап, күн күркүрөшү күтүлөт. Батыштан соккон шамалдын ылдамдыгы секундуна 4-9 метрден 15-20 метрге чейин жетиши күтүлөт. Абанын температурасы түнкүсүн +9...+11, күндүз +16...+18 градус жылуу болот.