«7-апрель шейиттери» мечитинин ачылышы болду

«7-апрель шейиттери» мечитинин ачылышы болду
4-Апр. 2019, Бейшемби, 14:37

Бүгүн, 4-апрелде Бишкектеги «7-апрель шейиттери» мечитинин ачылышы болду. Ага экс-президент Алмазбек Атамбаев, муфтий Максат ажы Токтомушев, Аалымдар кеңешинин мурдагы төрагасы Абдышүкүр ажы Нарматов да катышты.

Мечиттин ачылышында сөз сүйлөгөн Алмазбек Атамбаев мечиттин аты 7-апрель окуясында жанын берген адамдардын атын алып жүрөрүн айтып, шейит кеткен эр азаматтардын ысымдары түбөлүк сакталып каларын белгиледи.

“Мечиттин оң 2010-жылы өтүп кеткен адамдардын, сол жагында жаракаттан каза болгондордун аты-жөнү болот. Анткени, алар дагы 7-апрель окуяларынын шейиттери. Ошондуктан ал жигиттердин аттары тарыхта калыш керек. Билесиңер, президент кезимде жүздөгөн мектептерди салдырдым. Мен – мусулманмын. Ошондуктан айылыма да мечит салдыргам”, деди Атамбаев.

7-кичи райондо жайгашкан мечитке Алмазбек Атамбаев жер бөлүп берип, чыгымдарын өзү көтөргөн.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!