Үй-бүлөсүн баккан жыгач уста

 Үй-бүлөсүн баккан жыгач уста
8-Авг. 2017, Шейшемби

Жалал-Абад шаарынын тургуну Равшан Абдырахманов 61 жашта. Каарманыбыз 7 баланын сүйүктүү атасы жана 25 неберенин бактылуу тайата, чоң атасы. Бүгүнкү каарманыбыз 44 жылдан бери Жалал-Абад шаарындагы базарлардын биринин чет жагынан орун алып, ал жерде турмуш-тиричиликке керектелүүчү стол-стул жана ар кандай жыгач керебеттерди, мындан сырткары думбочкаларды өз колу менен жасап, турмуш-тиричилигин улап келет. Ал Zaman.kg маалымат агенттигине өнөрү тууралуу айтып берди.

“Жыгач уста болуш оңой эмес, сабырдуу болуу керек”

-Менин атам Абдырахман өз кезинде колунан көөрү төгүлгөн уста болгон. Ал учурда мен жаш болсом дагы так эсимде бар. Ал соодагерлер менен бирге ар кайсы шаарларга барып, ал жактан атайы мына ушундай жыгач буюмдарды жасоого ылайыкташкан буюмдарды алып келчү. Андан соң корообузда күндүн ысыгына же болбосо суугуна карабай тынбай эмгектенип жасачу. Мен дагы атамдын кантип жасагандарын көрүп, үйрөнүп алып 17 жашымдан баштап устачылык кыла баштадым. Жаңы баштаган кезде ар кандай сандыктарды, бешиктерди жасап базарга сатууга алып чыгып жүрдүм. Кийинчерээк элдин муктаждыгына карап жасачу болдум. Чынында, жыгач уста болуу оңой иш эмес, ага сабырдуулук жана терең ойлонуп иш кылуу керек.

“Кол алдымда 2 шакиртим бар”

- Учурда шакирт катары тарбиялап жаткан 2 бала бар. Алар өздөрүнүн бош убактысына карап келишет. Мен болсо алар качан келсе өзүмдө бар нерсенин баарын эртеңки күнү колдонсо экен деп жаштарга үйрөтөм. Бир эмеректи жасоо үчүн бир жума убактымды коротом, анткени мен жасаган эмерек эртең кардарга көп жылдарга кызмат кылчуудай болуп, бышык болуусу шарт. Мындан бир канча жылдар мурда жаш наристелер үчүн бешиктерди жасап аны сатыкка койчумун. Ал үчүн атайын башка жактан жаңгактын же болбосо арчанын жыгачын алып келип жасачумун. Анткени ал жыгачтарга бешиктерге түшүүчү курттар да түшпөйт.

“Жаштар жыгач устачылыкка кызыкпай калышты”

- Азыр замандын талабына ылайык, элдин муктаждыгына карап чоң столдорду, отургучтарды жана бизде улуттук стол деп коёбуз, коноктор келгенде отургузуучу кичинекей столдорду, мындан сырткары жыгач керебеттерди жасайм. Мисалы чоң столду 2миң сомдон 2 жарым миң сомго чейин жасайм. Ал эми отургучтарды 1000 сомдон жасайм. Айрымдар айтат да сиздерде кымбат деп, негизи ал акчанын 95%ы столго жумшалуучу материалдарга кетет. Алсак, атайын лак, краска, Россиядан келтирилген бышык жыгач жана мык ушуга окшогон нерселерге кетет. Ал эми калган 5%ы биздин эмгек акыбыз катары эсептелет. Кээ бир учурда бизге колунда бир аз жогураак үй-бүлөлөр келет. Алардын абалын карап аз да болсо жеңилдетип сатабыз. Акыркы учурда мына ушул жыгач устачылык жагына биздин жаштар такыр кызыкпай калышты. Анын ордуна чет жерге барып иштегендер көбөйдү. Мен аларга айтар элем, эгер силер үйрөнбөй жүрө берсеңер, биз жашаарыбызды жашап алдык эртеңки күнү ушул тармактан адистер жетишсиз болуп калат. Эгер кызыккан жаштар болсо мага келгиле мен силерге өзүм билген нерселердин баарын үйрөтөм.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Ырчы Данияр Эрматов болочок жубайын элге тааныштырды
Ырчы Данияр Эрматов болочок жубайын элге тааныштырды
Талант менен Айя Садырованын жаңы клиби хитке айланабы? (видео)
Талант менен Айя Садырованын жаңы клиби хитке айланабы? (видео)
 Назира Айтбекова: “Жинди кыз дегилечи мага! Жаман көргүлө!”
Назира Айтбекова: “Жинди кыз дегилечи мага! Жаман көргүлө!”
Эртең айрым аймактарда электр жарыгы өчүрүлөт
Эртең айрым аймактарда электр жарыгы өчүрүлөт
Расул Маматкулов “Сүйүнчү! Чоң апам эгиз төрөйт” тасмасына тартылууда
Расул Маматкулов “Сүйүнчү! Чоң апам эгиз төрөйт” тасмасына тартылууда
Зеленскийге окшогон мигрант Интернет жылдызы болду
Зеленскийге окшогон мигрант Интернет жылдызы болду
Абылгазиев электромобилдерге КНС төлөөгө мораторий киргизүүнү тапшырды
Абылгазиев электромобилдерге КНС төлөөгө мораторий киргизүүнү тапшырды
Литвага Американын танктары алынып келинди
Литвага Американын танктары алынып келинди
"Алай" командасынын футболчусу Жоэл Кожо кыргыз кызына баш кошту
Хоббиси менен үйүн казынага айландырды
Хоббиси менен үйүн казынага айландырды
Турдакун Усубалиевдин ысымы бийик чокуга ыйгарылды (фото)
Турдакун Усубалиевдин ысымы бийик чокуга ыйгарылды (фото)
Бишкек 40 миң унаага ылайык, азыр 400 миңден ашык унаа бар
Бишкек 40 миң унаага ылайык, азыр 400 миңден ашык унаа бар
Кыргызстан 282 тонна бал экспорттоду
Кыргызстан 282 тонна бал экспорттоду
Кыргызстан менен Өзбекстандын футболчулары беттешет
Кыргызстан менен Өзбекстандын футболчулары беттешет
Айыл чарба дүң продукциясынын көлөмү 167,6 млрд сомго жетти
Айыл чарба дүң продукциясынын көлөмү 167,6 млрд сомго жетти
Кыргызстандын рыногунда бизнес үчүн PayBox сервиси ишке кирди
Кыргызстандын рыногунда бизнес үчүн PayBox сервиси ишке кирди