29-сентябрь: жаан-чачын катуу жаашы күтүлөт
Бүгүн, 29-сентябрда түнкүсүн жана эртең менен көпчүлүк аймактарда жаан жаап, тоо этектеринде жаан карга айланышы мүмкүн. Тоолордо кар жаашы, кээ бир райондордо жаан-чачын катуу жаашы күтүлөт. Батыштан соккон шамалдын ылдамдыгы секундасына 4-9 метрден, айрым жерлерде 18-23 метрге жетет. Бул тууралуу Кыргызгидромет кызматы билдирди.
Абанын температурасы:
Чүй, Талас өрөөндөрүндө түнкүсүн +1...+6, күндүз +6...+11;
Ош, Баткен жана Жалал-Абад облустарында түнкүсүн +7...+12, күндүз +13...+18;
Ысык-Көл жергесинде түнкүсүн +3...+8, күндүз +6...+11;
Нарын облусунда түнкүсүн +2...+7, күндүз +9...+14;
Бишкек шаарында 29-30-сентябрда түнкүсүн жана эртең менен мезгил-мезгили менен жаан жаашы күтүлөт. Батыштан соккон шамалдын ылдамдыгы секундасына 4-9 метрден, 14 метрге чейин жетет. Абанын температурасы түнкүсүн +3...+5, күндүз +8...+10 градус жылуу болот.
Ал эми 30-сентябрда түнкүсүн жана эртең менен көпчүлүк аймактарда жаан жаап, тоо этектеринде жаан карга айланышы мүмкүн. Тоолордо кар жаап, кээ бир райондордо жаан-чачын катуу жаайт.