Беттин формасына карай шляпаны кандай тандоого болот?

Беттин формасына карай шляпаны кандай тандоого болот?
4-Июнь 2018, Дүйшөмбү, 11:33

Жай мезгилинде баш кийим биздин туруктуу шериктешибизге айланат. Ал ультрафиолет нурларынан чачты коргоп гана койбой, ошону менен бирге образды стилдүү кылып көрсөтөт. Жайында кепка, бейсболка, панама, бандана, жоолук жана тюрбан универсалдуу болуп саналат жана баардык бет формасына туура келет. Ал эми модалуу шляпа издеген болсоңуз, сатып алаардан мурда бир нече кеңештерге көңул бурганыңыз оң.

Сүйрү бетке арналган шляпа. Сүйрү бет формасындагы кыздарга шляпалардын ар түрдүү үлгүсү жарашыктуу келет: кененинен тартып, тик жээктери бар шляпаларга чейин. Бирок жогорку бөлүгү бет жаактан ичке болбош керек экенин эске алыңыз.

Тоголок бет формасы үчүн шляпа. Эгер сиз тоголок бет формасына ээ болсоңуз стилисттер кенен жээктери бар жана бийик тулга ээ шляпаларды тандоого кеңеш беришет.

Төрт бурчтуу бет формасындагы шляпа. Бул бет формасына жеңил ассиметрия жана классикалык үлгүдөгү шляпаларды тандоо керек. Стилисттер төрт бурчтуу жана кыска жээктери бар шляпаларды кийүүнү сунушташпайт.

Үч бурчтуу бет формасы үчүн. Беретка жана жеңил панамаларды тандоону стилисттер кеңеш берешет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!