“Adidas” кайра иштетилген желимден кийим чыгарат

“Adidas” кайра иштетилген желимден кийим чыгарат
18-Июль 2018, Шаршемби, 13:38

Азыр компания полиэстерден кийим чыгарт – ал өтө жеңил жана тез кургаган материал. Немис спорттук бренди 2024-жылдан баштап кийим чыгарууда жалаң гана кайра иштетилген желимди (пластмасса) гана колдоноорун билдирди. Ушундайча, “Adidas” полиэстерден толугу менен баш тартат. Бул тууралуу “CNN Money” маалымат булагы билдирет.

“Adidas” башка спорттук бренддер сыяктуу, полиэстерди пайдаланат. Себеби ал кездеме өтө жеңил жана тез кургайт. Келечекте компания кайрадан иштетилген желим – бөтөлкөлөрдөн, эски кийимден жана башка таштандыдан спорттук кийимдерди чыгарууну көздөөдө.

Табиятты коргоо жөнүндөгү жаңы программага шайкеш “Adidas” быйылкы жылы жылына 40 тонна желимди үнөмдөйт. 2019-жылдын жай айына карата өндүрүштүн 41 пайызы кайра иштетилген полиэстерден жасалат. Ошондой эле, быйыл компания кайра иштелген материалдардан даярдалган 5 миллионго жакын жуп бут кийим (2017-жылы 1 млн.) чыгарат.

“Adidas” курчаган айлана чөйрөнү коргоо маселелери менен алектенген жалгыз компания эмес. Мисалы, тез тамактануучу жайлардагы компаниялар желимден баштартышкан. Ошону менен бирге “Starbucks” жана “McDonald's” желим түтүкчөлөрдүн ордуна кагаздан жасалган түтүктөрдү сунуштай башташкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!