Белекке тартуу кылынган гүлдү кантип туура сактоо керек?

Белекке тартуу кылынган гүлдү кантип туура сактоо керек?
12-Окт. 2018, Жума, 10:21

Төмөнкү кеңештер гүлдөргө кубаныч тартуулап, алардын өмүрүн узартууга жардам бермекчи.

1.Эгерде сиз жакын адамыңызга гүл белек кылууну чечсеңиз, анда гүлдөрдү эртең менен кыркып алып же болбосо таң эрте сатып алуу керек. Эмнеге деп ойлонуп жатсаңыз керек? Анын себеби таң эрте мененки үзүлгөн же сатып алынган гүлдөрдүн сабагында нымдуулук көп болуп, аларды көпкө чейин сактоого болот.

2.Сатып алгынган же болбосо тартуу кылынган гүлдөрдүн сабактарын кыркып алып, алдын ала суу куюлуп даярдалган кумурага салуу керек.

3.Мисалга, гүлдөрдүн түбүндөгү ашыкча жалбырактардын кереги жок. Ал анткени сууга тийгенде бат бузулуп, вазадагы жагымсыз жытты пайда кылат.

4.Ал эми гүлгө даярдалган суу өтө муздак же өтө ысык да болбошу шарт. Башкача айтканда мээлүүн болгону жакшы.

5.Эгерде сиз гүлдөрдү узак убакытка чейин сакталышын кааласаңыз, анда вазадагы сууга бир чай кашык туз же болбосо эки, үч тамчы спирт кошуп койсоңуз болот.

6.Ошондой эле роза менен гвоздика гүлдөрүнүн суусуна бир чоң кашык шекер кошуп койсо болот. Муну менен бирге аспириндин жарым таблеткасын, үч литрлик сууга кошуп коюу менен биз бул гүлдөрдун өмүрүн узарта алабыз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!