Дарбыз данегинин пайдасы

Дарбыз данегинин пайдасы
25-Июль 2019, Бейшемби, 10:24

Ар бирибиз эле дарбызды жегенди жакшы көрөбүз. А бирок анын данегин жебестен, алып салабыз. Анын данеги ден соолугубузга пайдалуу экенин бардыгыз эле биле бербейбиз. Бүгүн сиздерге анын пайдасы тууралуу айтып беребиз.

Мисалга, аны майдалап чай кылып ичкенге болот. Мындай ыкма ичеги-карынды тазалап, организмди түрдүү оорудан сактап калат.

Дарбыздын данеги ар түрдүү паразиттерден куткарат. Ал үчүн аны жылуу сүткө салып, таң эртең жана кечинде ичкен жакшы. Дандын курамындагы цитруллин мыкты антикосидант катары кызмат кылат. Анткени, ал кан тамырды кеңейтип, артериялык кан басымды төмөндөтүүгө жардам берет.

Адистердин айтымында, дарбыз данеги бөйрөккө дагы абдан пайдалуу. Муну менен бирге эс тутумду жакшыртууга дагы көмөктөшөт. Данектин курамында витамин А,В,С магний, темир, марганец жана кальций элементтери бар.

Дарбыздын данегинен чай жасоо

Төрт кашык майдаланган дарбыз данегинин үстүнө эки литр суу куюп, 15 мүнөт кайнатуу керек. Даяр болгон чайды эки күн ичип, кайра эки аптадан соң дагы кайталасаңыз болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!