Чиркейлер кандай адамдарды чагат?

Чиркейлер кандай адамдарды чагат?
15-Авг. 2019, Бейшемби, 13:18

Окумуштуулар көп жылдар бою “Чиркейлер айрым адамдарды эмне себептен көп чагат” деген суроонун үстүндө иш алып барып келет. Ушул кезге чейинки изилдөөлөр боюнча, адамдын кан группасы маанилүү рол ойной тургандыгын белгилеп келишкен. Айрым изилдөөлөргө таянсак, кандай адамдарды, эмне себептен көп чаккандыгы ушул убакытка чейин жоопсуз калууда.

2004-жылдагы иликтөөгө таянсак, 0 кан тобундагы адамдарды чиркей көп чаккандыгы байкалган.

Боюнда бар аялдарга болгон таасири кандай?

1950-60 жылдардагы изилдөөлөр боюнча, адам дем алганда көмүр кычкыл газы аркылуу чиркейлер адамдарды таап бара ала тургандыгы маалым болгон. Кош бойлуу аялдар дем алганда көмүр кычкыл газы көп бөлүп чыгарып жана алардын деми нымдуу болгондугуна байланыштуу, башка аялдарга салыштырмалуу, боюнда бар аялдарды чиркейлер оңой издеп, таап барып чага алат экен.

Тердөө, ичимдик жана кийимдин өңү кандайдыр бир рол ойнойбу?

Башка изилдөөлөр боюнча, кызыл, күңүрт жана көк өңдөрдү чиркейлер оңой таап барат экен.

Ал эми, 2002-жылдагы Америкадагы окумуштуулардын жүргүзгөн изилдөөлөрү боюнча, пиво ичимдигин көп ичкендерди чиркейлер көп чаккандыгы аныкталган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!