ДЧ-2018: Футбол чемпионатын окуучу кыз ачат

ДЧ-2018: Футбол чемпионатын окуучу кыз ачат
14-Июнь 2018, Бейшемби, 12:25

Москвалык окуучу кыз Ангелина Макарова 2018-жылдагы дүйнө чемпионатынын ачылышында старт берет. 12 жаштагы Даун синдрому менен ооруган кыз “Лежники” стадионуна калыстар менен бирге чыгат. Ангелина алгачкы беттешүүнүн башталышында калыстардын коштоосунда ортого чыгып, дүйнөлүк биринчиликте командалардын ролун аныктайт.

Ангелина Макарова Масква шаарында 5-класста окуйт. Ал спорт менен абдан активдүү алектенет. Өспүрүмдөр арасындагы сууда сүзүү боюнча экинчи разряддын ээси.

Эсиңиздерге сала кетсек, футбол боюнча дүйнө чемпионаты 2018-жылдын 14-июнунан 15-июлга чейин Орусияда өтөт. Футболчулар Орусиянын 11 ири шаарларындагы 12 стадионунда ат салышат. Москва шаарында (“Лужник жана “Спартак), Санкт-Петербург (“Санкт-Петербург” стадионунда) Казань (“Казань Арена”), Сочи (“Фишт”), Екатеринбург (“Екатеринбург Арена”), Ростов-на-Дону (“Ростов Арена”), Волгоград (“Волгоград Арена”), Нижний Новгород ( “Нижний Новгород” стадиону).

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!