Жогорку Кеңешке Шадиевдин ордуна жаңы депутат келди

Жогорку Кеңешке Шадиевдин ордуна жаңы депутат келди
2-Ноя. 2018, Жума, 15:52

2-ноябрда Борбордук шайлоо комиссиясы “Бир Бол” саясий партиясынын катталган талапкерлеринин тизмеси боюнча Жогорку Кеңештин депутаты болуп шайланган Аскарбек Шадиевдин ыйгарым укуктарын мөөнөтүнөн мурда токтотту.

Чек араны мыйзамсыз кесип өтүп алыскы Американы көздөй качкан Аскарбек Шадиев “Бир Бол” парламенттик фракциясынан чыгуу жөнүндө жеке арызынын негизинде, “Бир Бол” парламенттик фракциясынын 2018-жылдын 1-ноябрындагы №167 чечими менен чыгарылган.

Анын ордуна депутаттын бошогон мандатын тизмедеги кезеги боюнча кийинки депутаттыкка талапкер Тагаев Эрмамат Султановичке берүү жөнүндө токтом кабыл алынып,катталган депутатка күбөлүк жана төш белги тапшырылды.

Шадиевге КМШнын Парламент аралык ассамблеясынын Чыңгыз Айтматов атындагы сыйлыгына 2017-жылы Жогорку Кеңештин эсебинен бөлүнгөн 30 миң долларды өөнөп алгандыгы үчүн "Кызмат абалынан кыянаттык менен пайдалануу" беренеси боюнча кылмыш иши козголгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР