Иса Өмүркулов Улукбек Кочкоровдун ишин сынга алды (видео)

Иса Өмүркулов Улукбек Кочкоровдун ишин сынга алды (видео)
27-Ноя. 2018, Шейшемби, 17:31

Бүгүн, 27-ноябрь күнү Жогорку Кеӊештин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетинин жыйынында КСДП фракциясынын лидери Иса Өмүркулов Эмгек жана социалдык өнүгүү министри Улукбек Кочкоровдун айрым жагдайлардагы ишин сынга алды.

Эмгек жана социалдык өнүгүү министрлигинде коррупциялык иштер, атап айтканда майыптуулугунун тобун жогорулатуу фактылар бар экенин айткан депутат 1-топтогу буту-колу жок майып адамдарга дароо эле жөлөк пул бериши керектигин айтты.


Өз кезегинде министр Улукбек Кочкоров министрликтин ичинде социалдык жардамдын корпоративдик медициналык системасы менен бирге жумушчу топ иштеп жатканын баса белгиледи. Министр кээ бир учурда майыптуулугун жорулатып койгон фактылар бар экенин моюнга алып, бул боюнча иштер жүрүп жатканын кошумчалады.

Белгилей кетсек, аталган комитет “БУУнун Башкы Ассамблеясы тарабынан кабыл алынган Майыптардын укуктары жөнүндө БУУнун Конвенциясын ратификациялоо тууралуу” мыйзам долбоорунун концепциясын жактырды.

Кыргызстанда ден-соолугунун мүмкүнчүлүгү чектелген адамдардын саны 184 миң адамды түзөт.
Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!