Депутат “тармактык маркетинг” компанияларды текшерүү керектигин айтты

Депутат “тармактык маркетинг” компанияларды текшерүү керектигин айтты
6-Дек. 2018, Бейшемби, 16:41

Бүгүн Жогорку Кеңештин жыйынында депутат Сагындык Келдибаев ар кайсы финансылык пирамида, тармактык маркетинг компанияларга афералык жолдор менен чоң суммадагы акчаларын алдырган жарандар көп болуп жатканын айтты.

“Жакында эле Россияда 500дөй мекендештерибиз "Cashbery" (кешбери) аттуу компанияга 2 млн. доллардан ашуун акчасын алдырып, кээ бирлери үйлөрүн күрөөгө коюп ала албай ыйлап жүрүшөт. Бул көрүнүш Кыргызстанда да кеңири кулачын жайып, элдин арасында таркап жатат. Аттарын атап кетеийн: Ошто “Драгонс”, Таласта “Голден Драгонс”, “Коопсуз бизнес”, “Сейф Бизнес”, Нарында “Барс.kg”, “Евро”, Ысык-Көлдө “Саттылык” финансылык, тармактык пирамидалар элдердин башын айлантып, алдаган учурлары толтура болуп жатат. Мамлекет тарабынан жарандарыбызды коргоп, сактап калбасак шылуундар тоноп, бюджетке жана элдин чөнтөгүнө зыян чон келтирүүдө. Билинбегени менен аябай көп суммадагы акчаларды сыртка чыгарып кетип жатат”, -деди депутат.

Сагындык Келдибаев Өкмөттүн алдындагы финансы рыногун көзөмөлдөө жана жөнгө салуу мамлtкеттик кызматы жана финансы полициясы текшерүү иш-чараларын жүргүзүү керектигин белгиледи.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!