Путиндин келиши менен кандай келишимдерге кол коюлары белгилүү болду

Путиндин келиши менен  кандай келишимдерге кол коюлары белгилүү болду
26-Март 2019, Шейшемби, 14:39

Россия Федерациясынын президенти Владимир Путиндин Кыргызстанга болгон иш сапарынын алкагында 30га жакын келишимге кол коюлары күтүлүүдө. Бул тууралуу президентик аппараттын тышкы саясат бөлүмүнүн башчысы Данияр Сыдыков маалымат жыйында билдирди.

“Эки тараптуу жолугушуулардын жүрүшүндө Россия кызматташтыгынын актуалдуу маселелери боюнча кеңири пикир алмашуу болот. Алардин ичинде тышкы саясаттагы жагымдуу шарттарды түзүү менен соода-экономикалык кызматташууну көлөмүн көтөрүү, аскер жана аскер техникалык кызматташтыкты тереңдетүү жөнүндө эки тараптуу долбоорлорду ишке ашыруу жана алдыга жылдыруу. Аны менен бирге инфраструктуралык курулуш, энергетика байланыш агроөнөр жай жөнүндөгү долбоорлор каралат”

Мындан сырткары, миграциялык учетко коюу жол-жоболорун жеңилдетүү жөнүндө тиешелүү талкулоолор болору күтүлүүдө. Россия президенти Владимир Путин расмий иш сапары менен келээр алдында кыргызстандык жарандарга "миграциялык мунапыс" жарыялаган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!