Абылгазиев: Чет элдик түз инвестициялардын келиши кыскарды

Абылгазиев: Чет элдик түз инвестициялардын келиши кыскарды
24-Апр. 2019, Шаршемби, 15:10

Чет элдик түз инвестициялардын келиши 7,6 пайызга кыскарган. Бул тууралуу премьер-министр Мухаммедкалый Абылгазиев 2018-жылдаги иши тууралуу отчет берип жатып билдирди.

Анын айтымында, инвестициялардын басаңдашы – бул биздин эле эмес, бүтүндөй дүйнө экономикасындагы маселе.

“Чет элдик түз инвестициялардын келиши 570 млн долларды түзүп, 7,6%га кыскарган, ошол эле учурда Кыргызстандан инвестициялардын чыгып кетиши 2017-жылга салыштырмалуу 27,7%га, же 200 млн долларга азайган. Инвестициялардын басаңдашы – бул биздин эле эмес, бүтүндөй дүйнө экономикасындагы маселе. Дүйнөлүк масштабда түз чет элдик инвестициялар 19%га төмөндөгөн”, – деди Абылгазиев.

Ал эми ишканалардан жана уюмдардан салынган инвестициялардын көлөмү 50,1 млрд сомду түзүп, 36% өскөн. ЕАЭБ алкагында экспорт 5%га көбөйсө, импорт 4,7% азайды.

Кыргызстан Экономикалык эркиндик индекси боюнча 180 өлкөнүн ичинен 79-орунда турат.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!