Каныбек Иманалиев активист Гүлжигит Исаковдон кечирим сурады

Каныбек Иманалиев активист Гүлжигит Исаковдон кечирим сурады
30-Апр. 2019, Шейшемби, 15:11

Жогорку Кеңештин депутаты Каныбек Иманалиев активист Гүлжигит Исаков менен кездешип, андан кечирим сураганын өзүнүн “Фейсбук” баракчасына жазды.

“Бүгүн фейсбукта улуттук кызыкчылыкты таамай коргоп келген жигит Гүлжигит Исаков менен кездешип, бири-бирибизди түшүнүштүк, кечириштик. 23-апрелде болгон митингде “Атамбаевдин провокатору” деген сөз чыкты эле, андай эмес экенине эл да, мен да ишендим. Милиция кызматкерлери ата-энесине чейин текшерип барган экен, Ички иштер министринин орун басары Курсан Асановго чалып, бул окуяны териштирип, жообун берүүсүн сурандым. Ушул окуядан кийин тынчсызданып жаткан ата-энесине ден-соолук жана мындай намыскөй уулу менен ар дайым сыймыктанып жүрүшүн каалайм”, – деп жазды Иманалиев.

Депутат камактагы саясатчы Өмүрбек Текебаевди абактан бошотуу талабы коюлган митингде Гүлжигит Исаковду “провакатор” деп атаган.

Буга чейин Ата Мекен фракциясынын лидери Алмамет Шыкмаматов да уран кенине каршы чыккан митингдин катышуусу Акзам Данияровдон кечирим сураган эле.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!