Судьяларды тандоо кеңешинин мүчөлөрүнө сый акы чектөө демилгеси көтөрүлдү

Судьяларды тандоо кеңешинин мүчөлөрүнө сый акы чектөө демилгеси көтөрүлдү
14-Май 2019, Шейшемби, 14:48

Жогорку Кеӊештин тармактык комитети судьяларды тандоо боюнча кеӊештин мүчөлөрүн материалдык жактан колдоо максатында иштелип чыккан “ Судьяларын тандоо боюнча кеңеш жөнүндө” мыйзамына өзгөртүүлөрдү киргизүү тууралуу мыйзам долбоорун үчүнчү окууда жактырды. Бул тууралуу Жогорку Кеңештин басма сөз кызматы кабарлады.

Мыйзам долбоорунун демилгечилери – депутаттар Төрөбай Зулпукаров менен Курманкул Зулушев.

Демилгечилердин айтымында, сунушталган мыйзам долбоорунун негизги максаты – судьяларды тандоо боюнча кеңештин мүчөлөрүнүн ишмердүүлүгүн материалдык сыйакы менен камсыз кылуу. Кеңештин иштөө убагында анын мүчөлөрү өздөрүнүн кызматтык милдеттерин аткаруудан бошотулат жана алардын негизги иш орду боюнча эмгек акысы сакталат.

“Судьяларын тандоо боюнча кеңешке мүчө адвокаттардын өз кесиби боюнча иштөөсүнө тыюу салынгандыктан, материалдык жактан кыйналып турушат. Ошондон улам, аларга айына 25 миӊ сомдон сыйакы чектөө сунушталууда. Эгерде кеӊештин мүчөсү кызматта иштесе, ага сыйакы төлөнбөйт. Мыйзам долбооруна Өкмөттүн каршылыгы жок”, - деди баяндамачы.

Мурда Судьяларын тандоо боюнча кеңештин 24 мүчөсү болгону, азыр ал 9 адамга чейин кыскарганы белгилүү болду.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР