Жанар Акаев депутаттык достук тобунун жетекчиси болуп дайындалды

Жанар Акаев  депутаттык достук тобунун жетекчиси болуп дайындалды
22-Май 2019, Шаршемби, 11:36

Жогорку Кеӊештин Эл аралык иштер, коргоо жана коопсуздук комитетинин чечими менен депутат Жанар Акаев Жогорку Кеӊештин Армения жана Грузия Республикасы менен кызматташуу боюнча депутаттык достук тобунун жетекчиси болуп дайындалды.

Армения жана Грузия олуттуу өзгөрүүлөр болуп жаткан өлкөлөр, парламенттик кызматташтыкты арттырып, ушул өлкөлөрдөгү пайдалуу реформаларды жаш лидерлерге да көрсөтүп келүү ниетим бар. Ошон үчүн достук группасында жетекчилик милдетти алдым, – дейт эл өкүлү.

Жогорку Кеӊештин Армения жана Грузия менен кызматташуу боюнча депутаттык достук тобунун 2019-жылдын 16-майында өткөн жыйынында достук тобунун башчылыгына депутат Жанар Акаевдин талапкерлиги жактырылган.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!