Бакир Таиров: Иликтөөдө айтылган акчалар кимге таандык экенин тактадык

Бакир Таиров: Иликтөөдө айтылган акчалар кимге таандык экенин тактадык
31-Май 2019, Жума, 16:25

Экономикалык кылмыштарга каршы күрөшүү кызматынын жетекчиси Бакир Таиров “Азаттыктын” иликтөөсүндө сөз болгон акчалар кимге таандык экениндигин аныктаганын айтты.

Анын айтымында, алгачкы маалыматтар боюнча өлкөдөн чыгып кеткен акчалар жеке ишкерлерге таандык:

"Биз “Азаттыкка” чыккан материал боюнча ыкчам жүргүзүп, маалыматтарды алып, бардык жактан тактап көрдүк. Азырынча бул акчалар “Дордой”, “Кара-Суу”, “Мадина” базарында иштеген ишкерлердин импортко төлөгөн акчалары экендиги тууралуу маалыматтар келип жатат. Мен билген фактылар бар, былтыр дагы текшерип көргөнбүз, күнүнө 3 млн долларга чейин акча чыгып турат. Бизге Финансылык чалгындоо кызматынан маалыматтар келип турат. 20-30га жакын ишкерлер өздөрү чогултуп акча которушат. 6 млрд акча боюнча да текшергенбиз. Кара-Суудагы", "Дордойдогу", "Мадинадагы" ишкерлердин акчасы болуп чыккан".

Премьер-министр Мухаммедкалый Абылгазиев "Азаттыктагы" маалымат менен таанышып чыкканын айтып, тийиштүү органдарга тапшырма бергенин билдирди.

29-майда Азаттык радиосунун журналистти Али Токтакунов «Кыргызстандан чыгарылган миллиондордун изи» деп аталыштагы иликтөөнү алып чыкан. Анда Кыргызстанда чыгарылып кеткен акчалар, анын Матраимовдорго байланышы тууралуу сөз болгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР