Азиз Батукаевдин иши боюнча Аида Салянова кармалды

Азиз Батукаевдин иши боюнча Аида Салянова кармалды
4-Июнь 2019, Шейшемби, 09:14

Мурдагы башкы прокурор, экс-депутат Аида Салянова кримтөбөл Азиз Батукаевге байланышкан иш боюнча камакка алынды.

А. Салянова Ички иштер министрлигине сурак бергенден кийин эки суткага (48 саат) камакка алынган. Бүгүн, 4-июнда анын бөгөт чарасы карала турганы айтылууда. Аида Саянова Азиз Батукаев абактан чыгарылган убакта, тагыраагы, 2013-жылы башкы прокурор кызматында турган.

Азиз Батукаев 2013-жылдын апрель айында «айыккыс дартка чалдыкты» деген негизде мөөнөтүнөн мурда абактан бошотулган. Ушул жылдын 17-апрелинде башкы прокурор Өткүрбек Жамиштов аны мыйзамсыз абактан бошотулушу боюнча кылмыш иши кайра жанданганын бышыктап, тиешелүү адамдар суракка чакыртыла турганын айткан эле.

Козголгон кылмыш ишинин алкагында мурдагы жана Жаза аткаруу мамлекеттик кызматынын башчысынын мурдагы кеңешчиси Калыбек Качкыналиев, Нарын шаарынын мурдагы судьясы Жапар Эрматов, мурдагы вице-премьер-министр Шамиль Атаханов камакка алынган. Ошондой эле мурдагы Саламаттыкты сактоо министри Динара Сагынбаева.да камалып, 22-майда үй камагына чыгарылды.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР