Турсунбек Акун «Апрель» телеканалы менен бирге үч гезитти сотко берди

 Турсунбек Акун «Апрель» телеканалы менен бирге үч гезитти сотко берди
6-Июнь 2019, Бейшемби, 16:10

Мурдагы акыйкатчы Турсунбек Акун “Апрель” телеканалы менен бирге жергиликтүү үч гезитти сотко берди.

Турсунбек Акун “крим төбөл Азиз Батукаевди абактан бошотуу үчүн анын жакындарынан 100 миң доллар пара алган” деген мааниде жарыяланган материалдар сотко бергенге түрткү болгонун ZAMAN.KG маалымат агенттигине билдирди.

“Мен сөз эркиндиги, демократия деген адаммын. Демократия – бул бирөөнүн укугун тебелегендик эмес да? Албаган жерден алты-жети жолу акча алды деп жазышты. Менин максатым – гезиттерди жаптыруу эмес. Алар далилдей албаса кечирим сурасын. Мен бирөөнүн көрсөтмөсүн аткарган жокмун. Мен журналисттерге улам-улам төгүнгө чыгаргыла деп эскертип жатам. Болбой жатышат”, – деди Турсунбек Акун.

Ал сотко берген үч гезиттин аталышын жана коюлган доонун суммасын айтуудан баш тартты. Бирок аталган ЖМКнын өкүлдөрү пара алганы тууралуу баяндалган материалдарын төгүнгө чыгарса, жазган арызынан баш тарта турганын кошумчалады. Турсунбек Акун 2013-жылы Кыргызстандын акыйкатчысы кызматында турган.

Крим төбөл Азиз Батукаев 2013-жылдын апрель айында айыккыс “дартка чалдыкты” деген негизде мөөнөтүнөн мурда абактан бошотулган. Анын абактан мыйзамсыз бошотулушу боюнча мурдагы экс-башкы прокурор Аида Салянова, мурдагы вице-премьер-министр Шамиль Атаханов учурда камакта жатат.

Мындан сырткары, ушул эле иш боюнча Жаза аткаруу мамлекеттик кызматынын башчысынын мурдагы кеңешчиси Калыбек Качкыналиев, Нарын шаарынын мурдагы судьясы Жапар Эрматов да камакка алынды. Ал эми мурдагы Саламаттыкты сактоо министри Динара Сагынбаева да кармалып, 22-майда үй камагына чыгарылган.

Ушул жылдын 17-апрелинде башкы прокурор Өткүрбек Жамиштов аны мыйзамсыз абактан бошотулушу боюнча кылмыш иши кайра жанданганын бышыктап, тиешелүү адамдар суракка чакыртыла турганын айткан эле.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР
Алмазбек Атамбаевге соттук-психиатриялык экспертиза дайындалды
Алмазбек Атамбаевге соттук-психиатриялык экспертиза дайындалды
Акчага сатып алган аянттан кенч табылды
Акчага сатып алган аянттан кенч табылды
Абылгазиев:  Сырттан акча алганды кыскартуу керек
Абылгазиев: Сырттан акча алганды кыскартуу керек
9 айлык бала баңгизаттан көз жумду
9 айлык бала баңгизаттан көз жумду
Айсулуу Тыныбекова өзгөчө видеосун бөлүштү
Айсулуу Тыныбекова өзгөчө видеосун бөлүштү
Ичтеги майлар билинбеш үчүн кандай кийинүү керек?
Ичтеги майлар билинбеш үчүн кандай кийинүү керек?
Айпери Кубик кызы макияжы жок сүрөтүн көрсөттү
Айпери Кубик кызы макияжы жок сүрөтүн көрсөттү
Назира Айтбекова: Энесине таарынгыла, бирок балаңардан кол үзбөгүлө
Назира Айтбекова: Энесине таарынгыла, бирок балаңардан кол үзбөгүлө
Нурлан Насип менен Асел Кадырбекованын жаңы дуэти хит болобу? (видео)
Нурлан Насип менен Асел Кадырбекованын жаңы дуэти хит болобу? (видео)
Мыйзамсыз ташылып келе жаткан 14,5 тоннадан ашык лимон кармалды
Мыйзамсыз ташылып келе жаткан 14,5 тоннадан ашык лимон кармалды
Кыргызстанда кыска метраждуу тасмалардын фестивалы өтөт
Кыргызстанда кыска метраждуу тасмалардын фестивалы өтөт
Бектемир Мамаюсупов: “Мекенди” 24-январдан баштап көрсөңүз болот (видео)
Бектемир Мамаюсупов: “Мекенди” 24-январдан баштап көрсөңүз болот (видео)
Гонконгдо жүз миңдеген эл көчөгө чыкты
Гонконгдо жүз миңдеген эл көчөгө чыкты
Чач кургатуунун сырлары
Чач кургатуунун сырлары
Хабиб Нурмагомедов атындагы спорт клубу ачылат
Хабиб Нурмагомедов атындагы спорт клубу ачылат
Ошто токко урунган аскер кызматкери каза болду
Ошто токко урунган аскер кызматкери каза болду