2019-2021-жылдарга карата салык кызматын өнүктүрүү стратегиясы бекитилди

2019-2021-жылдарга карата салык кызматын өнүктүрүү стратегиясы бекитилди
10-Июнь 2019, Дүйшөмбү, 13:03

2019-2021-жылдарга карата Мамлекеттик салык кызматын өнүктүрүү стратегиясы бекитилгенин Өкмөттүн маалымат кызматы кабарлады. Тиешелүү токтомго премьер-министр Мухаммедкалый Абылгазиев кол койду.

Маалыматта айтылгандай, салык кызматын өнүктүрүү стратегиясында каралган бардык чаралар экономиканын бейформал тармагынан көмүскө агымдарды жана жүгүртүүлөрдү чыгарууга багытталган. Бул салык базасын бир кыйла кеңейтип, салыктык түшүүлөрдү өстүрөт.

2019-2021-жылдарга Салык кызматын өнүктүрүү стратегиясында төмөнкү артыкчылыктуу багыттар аныкталган:

- салыктык башкарууну автоматташтыруу, салык төлөөчүлөр, мамлекеттик органдар жана жергиликтүү өз алдынча башкаруу органдары менен аралыктан өз ара аракеттешүү негизин түзүү;

- көмүскө экономиканы кыскартуунун негизинде ак ниет салык төлөөчүлөр үчүн атаандаштык чөйрөсүн түзүү;

- ЕАЭБде салыктык башкаруу бөлүгүндөгү интеграциялык процесстерди колдоо;

- салык кызматынын ишмердигин кеңейтүү.

Аталган документти ишке ашыруу башкаруу процедураларын жеңилдетүү жана салыктык милдеттерди салык органдарынын кызмат адамы менен түз байланышсыз, электрондук түрдө аткаруу мүмкүнчүлүгүнүн негизинде салык төлөөчүлөр үчүн бизнес жүргүзүү шарттарын жакшыртууну камтыйт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!