Сооронбай Жээнбеков Касым-Жомарт Токаевди шайлоодогу жеңиши менен куттуктады

Сооронбай Жээнбеков Касым-Жомарт Токаевди шайлоодогу жеңиши менен куттуктады
10-Июнь 2019, Дүйшөмбү, 14:17

Бүгүн, 10-июнда президент Сооронбай Жээнбеков Казакстандын Президенти Касым-Жомарт Токаев менен телефон аркылуу сүйлөштү.

Сүйлөшүүн жүрүшүндө Сооронбай Жээнбеков Касым-Жомарт Токаевди Казакстандын президентин кезексиз шайлоодогу ишенимдүү жеңиши менен куттуктап, боордош Казакстандын эли үчүн бул маанилүү жана жооптуу тандоо болгонун белгиледи.

Кыргыз-казак кызматташтыгын кеңейтүү максатында президент Сооронбай Жээнбеков Касым-Жомарт Токаевди Кыргызстанга расмий сапар менен келүүгө чакырды.

Мамлекет башчылары ошондой эле эки тараптуу кызматташуунун актуалдуу маселелерин талкуулашып, Бишкекте өтө турчу ШКУ (Шанхай Кызматташтык Уюму) саммитинин ишине катышуунун алкагында жолугушуу тууралуу сүйлөшүштү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!