Президент: Ант – бул элдин, мыйзамдын, абийирдин алдындагы абдан чоң жоопкерчилик

Президент: Ант – бул элдин, мыйзамдын, абийирдин алдындагы абдан чоң жоопкерчилик
19-Июнь 2019, Шаршемби, 10:33

Бүгүн, 19-июнда жаңы дайындалган министрлер Жогорку Кеңеште ант беришти. Ага президент Сооронбай Жэнбеков, премьер-министр Мухаммедкалый Абылгазиев баштаган өкмөт мүчөлөрү катышты.

Президент жаңы кызматына киришкен министрлерге кайрылып, анттын жоопкерчилиги элдин алдында чоң экендигин белгиледи:

“Ант – бул элдин, мыйзамдын, абийирдин алдындагы абдан чоң жоопкерчилик. Аны эч качагн унутпагыла. Антыңарды ар дайым жүрөгүңөрдүн түбүндө кармап, күнүгө эстеп, антыңарга бекем туруп иштеп бергиле. Бардыгыңыздарга ийгилик каалайм!”.

Жогорку Кеңеш премьер-министр тарабынан сунушталган экономика министри кызматына Санжар Муканбетовдун, айыл чарба министри кызматына Эркинбек Чодуевдин, өкмөттүн аппарат жетекчиси кызматына Самат Кылжыевдин жана маалыматтык технологиялар жана байланыш комитетинин төрагалыгына Дастан Догоевдин талапкерлигин жактырган.

Мухаммедкалый Абылгазиев кызмат ордуна сунушталган талапкерлердин билими да, тажрыйбасы да жетиштүү экенин айтып, өзүнүн милдеттерин милдеттерин татыктуу аракалап кете ала турганын билдирген.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!