Депкомиссия Атамбаевдин кол тийбестигин алуу маселесин парламентке алып чыкты

Депкомиссия Атамбаевдин кол тийбестигин алуу маселесин парламентке алып чыкты
20-Июнь 2019, Бейшемби, 12:21

Бүгүн, 20-июнда парламент “Алмазбек Атамбаевдин экс-президент макамын алуу жана ага күнөө коюу” маселесин карап жатат. Атайын комиссиянын төрагасы Каныбек Иманалиев депутаттык комиссиянын корутундусун алып чыкты.

Демилгелүү топтун күнөөлөөсүндө Алмазбек Атамбаев президент болуп туруп, бийликтин бардык бутактарын өзүнүн кызыкчылыгына пайдалануу менен уюшкан кылмыштуу топ түзгөндүгү, Жогорку Кеңештин депутаттарын, судьяларын, коомдук ишмерлерди, ошондой эле журналисттерин анын режимине каршы чыккандыгы үчүн куугунтукка алып, репрессияга туш кылгандыгы көрсөтүлгөн.

“Комиссия ушул шектүү эпизод боюнча карап чыгып, бир катар жарандардын билдирүүлөрүн укту. Алар: Сарыгулов, Калматов, Талгарбеков, Асанов, Гусев. Кадыров, Аргынбаев жана журналист Нарын Айып. Алар экс-президент ээлеген кызмат адамынвнстатусун пайдаланып, бийликти узурпациялап алгандыгына байланыштуу президент Атамбаевдин дарегине сын айткандардын сөз эркиндигин чектөө максатында акыйкат соттун ишине кийлигишкенин тастыктаган фактылардын бар экендигин билдиришкен”, – деди комиссиянын төрагасы Каныбек Иманалиев.

Алмазбек Атамбаевдин кол тийбестигин ажыратуу маселеси 12-июнда көтөрүлдү. Төрага Дастан Жумабеков баш болгон бир нече депутаттар Алмазбек Атамбаевдин митингде сүйлөгөн сөздөрүн сынга алышып, ага тиешелүү укуктук баа берүү сунушун айтышкан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР