Кунары качкан жерлерге мөмө-жемиш бактарын тигүүгө уруксат берилүүдө

Кунары качкан жерлерге мөмө-жемиш бактарын тигүүгө уруксат берилүүдө
26-Июнь 2019, Шаршемби, 11:08

Бүгүн, 26-июнда Жогорку Кеӊештин жыйынында “Асылдуулугу төмөн айыл чарба жерлерин өздөштүрүү чөйрөсүндөгү айрым мыйзам актыларына өзгөртүүлөрдү киргизүү тууралуу” мыйзам долбоору 3-окууда каралды.

Мыйзам долбоорунун концепциясы менен асылдуулугу төмөн жайыт жерлерин өздөштүрүүгө көп жылга пайдаланууга берүү максаты коюлган. Башкача айтканда, бонитети төмөн жайыттарды көп жылдык мөмөлүү бак-дарактарды тигүү үчүн трансформациялоого багытталган.

Депутат Кенжебек Бокоев өкмөттү жайытка жарабаган, кум, таш баскан жерлерди так аныктап, мөмө-жемиш бактарын айдайм деген дыйкандарга берүү боюнча бирдиктүү жер саясатын иштеп чыгууга чакырды:

“Эмне үчүн биз сырттан келген, Чаткалдын баарын талкалап жаткан Кытай алтын казуучуларга жайытты транформациясы жок бекер эле беребиз? Жарабаган жерди бир дыйкан иштетем десе, убактылуу мөөнөткө эмне үчүн бербешибиз керек? Ошондуктан бир стандарт менен алып чыгышыбыз керек”

Эер мыйзам долбору кабыл алынып калса, багбанчылык өнүгүп, калк өз алдынча жумуш орундарын түзүп, алардын кирешелери өсөт.

Жыйынтыгында мыйзам долбоору 3-окууда добуш берүүгө жиберилди.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР