Алмазбек Атамбаевдин абактагы мөөнөтү узартылды

Алмазбек Атамбаевдин абактагы мөөнөтү узартылды
20-Авг. 2019, Шейшемби, 11:45

Мурдагы президент Алмазбек Атамбаевдин абактагы мөөнөтү 26-октябрга чейин узартылды. Бул тууралуу анын жактоочусу Сергей Слесарев билдирди.

Сот отуруму бул ирет да Улуттук коопсуздук боюнча мамлекеттик комитеттин имаратында жабык өттү.

9-август күнү Алмазбек Атамбаевдин бөгөт чарасы каралып, Биринчи Май райондук соту аны 26-августка чейин камакка алуу чечимин чыгарган.
Экс-президент 8-август күнү Кой-Таштагы үйүнөн колго түшүп берген. Ага бир нече оор беренелер менен айып тагылып жатат.

Бирок ал өзүнө тагылган айыптарга макул эместигин билдирип, тергөөчүнүн суроолоруна жооп берүүдөн баш тартып келет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!