Момбеков: Казы-картага кеткен акчага Тоголок Молдонун китебин чыгарыш керек (видео)

Момбеков: Казы-картага кеткен акчага Тоголок Молдонун китебин чыгарыш керек (видео)
27-Авг. 2019, Шейшемби, 16:47

25-августта Жогорку Кеңештин депутаттары Рыскелди Момбеков, Жанар Акаев жана Алтынбек Жунус уулу Ак-Талаа жана Нарын райондоруна барып, жергиликтүү эл менен жолугушуу өткөрдү.

“Ак-Талаа” коомдук бирикмесинин өкүлдөрү Тоголок Молдонун (Байымбет Абдрахман уулу) өзү салган медресеси, өзү жашап өткөн үйү кейиштүү абалга кептелгенин айтып, жергиликтүү бийлик тарабынан тарыхий мурастарга жетиштүү деңгээлде көңүл бурулбай жатканын билдиришти.

Эл өкүлү Рыскелди Момбеков: “Жылкыга, казы-картага, кетчү акчага Тоголок Молдонун китебин чыгарыш керек. Турдакун Усубалиевдин нарындыктар тааныбай калса, Тоголок молдону ким тааныйт анда? Сүрөтүн алмаштырып, 100 жылдыгы болгон Турдакун Усубалиевди Нарындын мэри тааныбай калыптыр”, – деди өз сөзүндө.

Депутаттар бул маселе тез арада чечилиши керектигин, бир күндүк айлык маянасын которуп болсо да каржы маселесин чече тургандыгын белгилешти.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!