Момбеков: Усубалиевдин ысымын унаа токтотуучу жайга бергенибиз уят!

Момбеков: Усубалиевдин ысымын унаа токтотуучу жайга бергенибиз уят!
5-Сен. 2019, Бейшемби, 11:48

Турдакун Усубалиевдин ысымын авто унаа токтотуучу жайга бергенибиз уят! Мындай пикирин депутат Рыскеди Момбеков парламенттин жыйынында билдирди.

Бишкек мэриясы Турдакун Усубалиевдин ысымын эски аянтка беребиз деп жатат. Уят эмеспи!” – деди ал.

“Жаңы аянтты салган кишиге эски аянттын атын берген эскилик эмес, кемчилик! Өзбек президенти парламентке сунушун киргизип, Жизак районуна Шараф Рашидовдун атын берди. Казак парламенти 6 мүнөттө Астананы Нур-Султан кылып койду. Бирок тирүү адамдын аты берилбейт, тирүү адамдын ашы берилбейт дейт. Кунаевдин атында көчө, академия бар. Былтыр Кунаев атындагы мечит салдырды. Азербайжанда кандай кылып Гейдар Алиевдин атын түбөлүккө калтырып атышканын айтпай эле коеюн. Аэропорттон баштап, Бакунун бардык жеринде анын аты бар. Биз ушул мамлекетти 25 жыл башкарган адамдын ысымын Өкмөттүн алдындагы унаа токтотуучу жайга берип жатабыз да. Ушул мартабалуу мамлекеттик ишмерге кыла турган мамилеби?! Туугандары бере турган болушса Биринчи Май районуна беришсин, бергиси келбесе жөн эле коюшсун деп жатышат. Биз артык кылабыз деп тыртык кылбашыбыз керек. Керек болсо биз отурган Акүйдү да Турдаун Усубалиев бюджеттен бир тыйын албай курдурган. Биз дагы, Жогорку Кеңеш тиешелүү токтом кабыл алып беришибиз керек

Президент Сооронбай Жээнбеков 13-августта Кыргызстандын көрүнүктүү мамлекеттик жана саясий ишмери Турдакун Усубалиевдин 100 жылдыгына даярдык көрүү жана өткөрүү боюнча уюштуруу комитетинин мүчөлөрү менен кеңешме өткөргөн. Анда биринчи вице-премьер-министр, уюштуруу комитетинин төрагасы Кубатбек Боронов Усубалиевдин 100 жылдык мааракесине даярдыктардын жүрүшү боюнча маалымат берип, 18 пункттан турган иш-чаралар планы иштелип чыкканын айткан.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!