Тармактык комитет чек ара маселесин жабык карап жатат

Тармактык комитет чек ара маселесин жабык карап жатат
24-Сен. 2019, Шейшемби, 10:42

Бүгүн, 24-сентябрда Жогорку Кеңештин Эл аралык иштер, коргоо жана коопсуздук боюнча комитети Баткендеги чек ара маселесин жабык карап жатат.

Анда чек арага байланыштуу мурда чыгарган Жогорку Кеңештин токтомдорунун аткарылышы каралууда. Депутаттардын суроолоруна күч блогун жетектеген вице-премьер-министр Жеңиш Разаков жооп берип жатат.

16-сентябрда кыргыз-тажик чек арасында ок атышуу болуп, Кыргызстандын “Бөрү” атайын тобунун кызматкери, прапорщик Равшан Муминов каза таап, 13 жаран жаракат алган. Ал эми тажик тарап атышуудан үч чек ара кызматкери каза болгонун маалымдады. Чыр Лейлектеги Максат айылында болгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!