Төрөбаев: Түнү-күнү мамлекет, эл жөнүндө ойлоном

Төрөбаев: Түнү-күнү мамлекет, эл  жөнүндө ойлоном
6-Ноя. 2019, Шаршемби, 09:59

Мен түнү-күнү мамлекет, эл жөнүндө ойлоном. Бул тууралуу “Өнүгүү-Прогресс” фракциясынын лидери Бакыт Төрөбаев“Jebe.mediaга” курган маегинде билдирди.

“Мен бизнесмен эмесмин, мен мамлекетчил адаммын. Мен түнү-күнү мамлекет, эл жөнүндө ойлоном. Чындыгын айтканда, бир учурларда өзүмдүн балдарымды деле көрбөй калам. Балким, сиздерге көрүнбөйм, башка жерлерде канча адамдар келет, аларга жардам берем. Анын баарын тизмектеп бербейсиң да. Менин жашым дагы жаш эле. Ошон үчүн мен мамлекетке керекмин деп эсептейм. Өзүмдүн билимимди дагы, тажрыйбамды дагы бергенге даярмын”, – деди Төрөбаев.

Ал Кыргызстанда дайыма реформалар болуп турушу керектигин айтып, учурда башка өлкөлөрдүн тажрыйбаларын окуп жатканын кошумчалап өттү.

Бакыт Төрөбаев башында турган “Өнүгүү-Прогресс” саясий партиясы 2015-жылы өткөн парламенттик шайлоодо 13 мандатка ээ болгон. Ал келерки парламенттик шайлоодо башка саясий күчтөр менен биригүү ниети бар экенин жашырган жок.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!