Жээнбековдун инаугурациясына канча сом коротулат?

Назгүл Бостонбаева

Кыргызстандын жаңы шайланган президенти Сооронбай Жээнбековдун инаугурациясын өткөрүүгө 13,1 миллион сом коротулары пландалууда.

Бул тууралуу Жогорку Кеңештин бюджет жана финансы боюнча комитетинин жыйынында Каржы министри Адылбек Касымалиев билдирди.

Министрдин айтымында, ант берүү аземин өткөрүүгө сарпталчу каражат 2017-жылдын бюджетинде каралган.

Жээнбековдун инаугурациясы 24-ноябрда “Ала-Арча” мамлекеттик резиденциясында өтөт. Ага чет мамлекеттен бир дагы конок чакырылбаганы буга чейин маалымдалган.