Имиджди кантип калыпташтырса болот?

Имиджди кантип калыпташтырса болот?
3-Окт. 2018, Шаршемби, 09:56

Ар бир адамдын белгилүү бир имиджи болот. Имидж англис тилинен «image» сөзүнөн келип чыккан. Анын мааниси белгилүү бир адамдын образын көрсөтүүчү бейнеси. Тактап айтканда сырткы айлана-чөйрөнүн сиз тууралуу топтогон же жыйнаган оюу. Коомдо активдүү болуу, адамдар менен мамиле түзүү. Алар менен тыгыз байланышта болуу үчүн имиджди калыптандыруу маанилүү. Ал эми аны калыпташтыруу үчүн эмне кылыш керек?

Алгач сырткы имиджди калыпташтырыңыз. Киймиңиз, келбетиңиз, сырткы көрүнүштүн талабына туура келген түрдүү аксессуарларды пайдалануу.

Мимикалык имидж аркылуу каршы тарапта турган адам менен кандай сүйлөшүү керектигин түшүнүңүз. Бул имиджди калыпташтыруу үчүн күндө күзгүнүн алдына туруп алып машыгуу жасаңыз. Көзүңүзгө, түрүңүзгө, колуңузга караңыз. Алар кандай кыймылдайт – баарына маани бериңиз.

Кинетикалык имидж

Бул – сиздин кыймыл-аракетиңиздеги, басып, туруп жана отурган кездеги өзүңүздүн денеңизди алып жүрүүңүз. Мисалы, олдоксон кыймыл-аракет, чалкалап жатып алуу адепсиз көрүнөт. Өзгөчө ийинди бош жана тик кармаңыз. Бүкүрөйүбөй, денени түз кармап басууга аракет кылыңыз.

Бейварбалдуу имидж

Сиз кандай сүйлөйсүз? Бул жерде жалаң гана добуш, ыргак эмес, сөз байлыгыңыз да маанилүү. Кооз сүйлөй билүү, адамдын тилин табуу – чоң өнөр. Ал эми кооз сүйлөп туруп, сөгүнгөн сөздөрдү да колдонсоңуз, андан эч кандай натыйжа чыкпайт. Эсиңизде болсун!

Руханий имидж

Адамдын жашоого деген, коомго деген оюу, көз карашы. Бул жагынан, эң биринчи билим керек. Билим алуу аркылуу бул имиджди калыпташтыра аласыз. Ошондуктан болушунча сабаттуу болуңуз.

Материалдык имидж

Мунун артында акча, унаа жана үй турат. Бул – милдеттүү эмес имидж түрү. Ошенткени менен, бул тепкичке да көтөрүлүүгө болот. Ал үчүн жогоруда аталган имидждерди калыпташтыруу керек. Ошол кезде гана сиздин толук кандуу адамдык имиджиңиз пайда болот.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!