Узак отуруунун зыяны кандай?

Узак отуруунун зыяны кандай?
10-Дек. 2018, Дүйшөмбү, 14:39

Азыркы учурда көпчүлүгүбүз жумушубузду офисте, компьютердин алдында отуруп аткарабыз. Техниканын өнүгүшү да адамдын аз кыймылдап (өзгөчө шаар тургундары), телевизор менен телефонго көп үңүлүүгө мүмкүндүк берет. Ал эми узак отуруунун ден-соолугуңузга өтө зыян экенин билесизби? Отурганда организмибиз кандай өзгөрүштөргө учурайт?

Адам отурары менен булчуң эттердин жумушу жайлап, калорияны жоюунун ылдамдыгы мүнөтүнө 1 килокалорияга чейин төмөндөйт. 3 сааттык отуруудан кийин кан тамырлар кичирейип, кан айлануу начарлайт. 24 саат бою отурсаңыз, инсулиндин глюкозаны кармоо касиети 40 пайызга төмөндөйт. Ошол себептен диабеттин 2-түрүнүн пайда болуу коркунучу пайда болот. 2 жума боюу күн сайын 6 сааттан отурсаңыз, организмдеги холестериндин өлчөмү артып, ашыкча салмак кошуңузга себеп болот. Майды эритүү ферменттеринин жумушу начарлайт.

Адам кыймылдаганда мээни кан менен, кычкылтек менен, маанайга жооптуу гормондор менен камсыз этет. Ал эми узак убакыт кыймылсыз отуруу мээнин жумушун иштөө активдүүлүгүн төмөндөтөт. Узак отуруу ошондой эле, жүрөк-кан тамырлары ооруларынын, простата, көкүрөк бези зыяндуу шишик ооруларын пайда болуу коркунучун арттырат.

Ошондуктан дарыгерлер күн сайын сыналгы алдында жылбай отуруу өз колу менен ден-соолугуңузга зыян келтирүү экендигин айтат. Ал эми офисте жумушта иштегендерге ар бир 1 саат сайын 5-10 мүнөттүк үзүлүш кылып, көнүгүүлөрдү жасап турууга, түшкү үзүлүштө аз дегенде 30 мүнөт таза абада сейилдеңиз. Жумуштан кийин дагы сыналгы алдына жатып алып «дем алууга» эмес, көбүрөк кыймылдоого кеңеш берет.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!