Киану Ривз селсаякка айландыбы?

Киану Ривз селсаякка айландыбы?
16-Май 2018, Шаршемби, 10:45

Голливуддун эң белгилүү актерлорунун бири Киану Ривз селсаякка айланганбы? Актердун жылаң аяк, чачы өскөн, жүдөгөн абалын көргөн эл таң калууда. 53 жаштагы актердун сырткы келбети таптакыр өзгөргөн. Бул тууралуу “The Daily Mail” басылмасы маалымдайт.

Ийинине чейин түшкөн калың чачы, агарган сакалы, колундагы тамеки менен “суусундугу”, керек болсо көчөнүн ортосунда жылаң аяк отурганы – актердун аброюна зыян келтиргендей. Киануну байкабастан сүрөткө тартып алган папарацция эксклюзивдүү сүрөттөрдү дүйнөгө таратып жиберген.

Биринчи көргөн көрөрмандар Киану Ривзди терс жолго түшүп кеткен деп ойлошкон. Бирок бул – болгону актердун фильмге тартылып жаткан образы болуп чыкты. Ривз 2019-жылы көрөрмандары менен жаңы фильмде көрүшөт.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!