Жан Воинов сүйүктүүсүнө шакек салды

Жан Воинов сүйүктүүсүнө шакек салды
9-Июнь 2018, Ишемби, 11:08

MDA заманбап бий Академиясынын Президенти Ассоль Молдокматова менен Александр Воиновдун уулу Жан Воинов сүйгөн кызына шакек салды.Жан тандаган сүйүктүүсү 25 жаштагы Зарина Алмасова. Бул тууралуу бийчинин апасы Ассоль Молдокматова өзүнүн инстаграм баракчасында берген маалыматына караганда, кыз менен жигит 4 жашынан бери бир-бирин тааныйт. “Татынакай, акылдуу Зарина – менин уулум Жандын тандоосу. Алар бала кезден эле тааныш болчу, ошондон бери жакшы көрүшүп жүрүп, чоңойгондо укмуштуудай сезимдерди пайда кылышса керек. Уулуңдун келинчеги болот деген сезим кызыктуу да, өзгөчө да болот экен. Эң башкысы эки жаш бир-бирин сыйлап, бактылуу болушуна тилектешмин” – деп жазган Молдокматова.

Айта кетсек, Жандын сүйүктүүсү Зарина Алмасова, колуна салган шакеги менен түшкөн сүрөтүн өзүнүн инстаграм баракчасына жүктөдү.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!