2018-жылы атактуу жаштардын кимиси үй-бүлөлүү болду?

2018-жылы атактуу жаштардын кимиси үй-бүлөлүү болду?
31-Дек. 2018, Дүйшөмбү, 12:58

2018-жылы кайсыл атактуу чыгармачыл жаштар баш кошуп, үй-бүлөлүү болушту, жыл жыйынтыгын карайлы:

Март айынын башында Бишкектеги тойканалардын биринде ди-джей жана алып баруучу Нурзада Жолдошева Азат Бурабаевге турмушка чыгып, үй-бүлө курушту. Жолдошеванын жолдошу Азат Бурабаев кесиби боюнча дарыгер.

*****

Ал эми 10-майда шоу-бизнестин атактуу жылдыздары Нурлан Насип менен Асел Кадырбекова баш кошушту. Аларга өкүл ата, өкүл апа болуу милдети кыргыз эстрадасындагы үлгүлүү түгөйлөр деп айтылып жүргөн Урмат Усенов менен Неляга болду.

*****

Июль айында ырчы Арсен менен Бегайым баш кошту. Түгөйлөрдүн үлпөт тою Бишкек шаарында өткөн.

*****

Август айынын ортосунда дагы бир таланттуу мырза "Музаман" тобунун солисти Тариэл Токмергенов Сырга Куандык кызы менен түтүн булатышты.

*****

"Эл эмне дейт?" долбоору аркылуу таанылган актёр жана жаш режиссёр Радик Эшимов сүйүктүүсү Айканыш менен баш кошушту.

*****

"Жебе" тобунун солисти Минур Алтынбек уулу Жазгүл менен баш кошту.

*****

Тамашоудогу "Универсал" командасынын оюнчусу Садык Нышанбай уулу да бойдокчулук менен коштошкон. Анын үйлөнүү тою Ош шаарында өтүп, шаардагы тойканалардын биринде түгөйлөр ата-эне, тууган-уруктарынан бата алышкан. Тамашоучунун сүйүктүүсү Апал, 2000-жылы туулган.

*****

Ырчы Курал Чокоев бойдокчулук менен коштошуп, үй-бүлөлүү макамына ээ болгон. Чолпон-Ата шаарында кыз узатуу тою өтүп, андан соң жубайын өз үйүнө алып кеткен. Ырчынын сүйүктүүсү 27 жашта. Түгөйлөр Ысык-Көлдө эс алуу учурунда таанышкан.

*****

"Жарайт сити" долбоорунда ак көңүл мурутчан агайдын образы аркылуу жылдызы жанган Нурсултан Курсанали уулунун да үйлөнүү үлпөтү болду.

*****

"Sexy, sexy" деген ыры менен таанылган Арман Эсенгожоев да Роза аттуу сулуу кызга баш кошуп, үйлөнүү үлпөт тоюн борборубуздагы тойканалардын биринде өткөргөн. Тойго эки жаштын жакындары, шоу-бизнес чөйрөсүнөн тапкан достору келишкен.

*****

Актриса жана модель Эркайым Абдуллаева Жогорку Кеңештин мурдагы депутаты Камчыбек Ташиевдин уулу Таймурас Ташиевге турмушка чыккан. Үлпөт той борбордогу тойканалардын биринде өткөн.

*****

Футбол боюнча улуттук кураманын капитаны Азамат Байматов да бийчи Жибек Бейшеева менен үйлөнүү тоюн өткөрдү.

*****

Белгилүү улакчы Манас Ниязовдун үйлөнүү үлпөт тою өттү. Ал сүйүктүүсү Назира менен никеге туруп, эки жаштын үлпөт тою курбу-дос, тууган-урук, санаалаштарынын курчоосунда орун алды.

*****

Бул жылы турмушка чыккандардын катарын "90-60-90" аттуу ырды аткарып, музыка сүйүүчүлөргө таанылган Кундуз Канатбек кызы да толуктады.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!
КӨП ОКУЛГАНДАР