Децлдын акыркы клиби чыгат

Децлдын акыркы клиби чыгат
5-Фев. 2019, Шейшемби, 12:38

Рэпер Кирилл Толмацкийдин (Децл) жубайы өзүнүн “Instagram”дагы баракчасында жаңы клип чыгаары тууралуу кабарлады.

"6-февралда “YouTube”да “Detsl aka Le Truk” деп аталган жаңы музыкалык видео жарык көрөт. Аны Кирилл сиздер үчүн даярдаган. Кулагы бар уга алат", - деп Юлия Толмацкая 4-февраль күнү жазып калтырган.

Буга чейин музыканттын апасы Ирина Толмацкая 6-февралда Москвадагы Борбордук клиникалык ооруканада Кирилл менен коштошуу аземи болуп өтөөрүн кабарлаган. Анын сөөгү Пятницк көрүстөнүнө коюлат.

Эскерте кетсек, Децл 3-февраль күнү Ижевскте концерттен кийин көз жумган. Рэпер ырын аткарып бүткөндөн кийин гример бөлмөсүнө кирип, ал жактан өзүн жаман сезген. Алдын ала маалыматтар боюнча, рэпердин өлүмү жүрөк оорусунан улам болгон.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!