Мирбек Атабеков эч бир ырчыга окшошкусу келбегенин айтты

Мирбек Атабеков эч бир ырчыга окшошкусу келбегенин айтты
7-Фев. 2019, Бейшемби, 11:33

Белгилүү эстада ырчысы Мирбек Атабеков жакында Инстаграм баракчасына көз айнек тагынган сүрөтүн жүктөп элдин сынына кабылды.

Ар бир ыры элдин жүрөгүнөн түнөк тапкан Мирбек Атабеков акыркы мезгилдерде жаңы чыгып жаткан кинолордун саундтрегин аткарууда. Бул жолу “Апамды издеп 2” тасмасынын саундтрегин ырдаганын айтып, көз айнек тагынган сүрөтүн жүктөгөн.

Ырчынын сүрөтүн көргөн окурмандар аны казак ырчысы Кайрат Нуртаска жана кыргыз ырчысы Нурлан Насипке да окшоштуруп жиберишти.

Мирбек Атабеков ырчыны башкаларга окшоштурганына дароо башка дагы бир жаңы сүрөтүн жүктөп жооп жазып:

"Кайрат Нуртаска же Нурлан Насипке окшошуп калыпсың дегендерге мен кошула албайм, кечирип койгула", -деп баяндама жазып койду.

Бирок ырчынын окурмандары "чындап эле окшоштук бар" дешсе айрымдары аны "Кайрат Насип же Нурлан Нуртас" деп тамашага алышты.

Эч кимге окшошкусу келбеген ырчы Мирбек Атабеков көз айнек тагынып калдыбы же мода ирээтинде тагындыбы белгисиз.

Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!