Сауд Арабиясындагы фестивалга Кыргызстандан миңге жакын катышуучу барат

Сауд Арабиясындагы фестивалга Кыргызстандан миңге жакын катышуучу барат
7-Фев. 2019, Бейшемби, 11:42

Үстүбүздөгү жылдын март айында Сауд Арабияда өтө турган фестивалга Кыргызстан дагы катышары маалым болду. Бул тууралуу маалыматты Токтогул Сатылганов атындагы Улуттук филармониянын көркөм жетекчиси Алтынбек Максүтов кабарлады:

"Сауд Арабияда өтө турган фестиваль 9-марттан 19-мартка чейин созулат. Бизче айтканда, жөө жарыш боюнча фестиваль болгону жатат. Аталган өлкө 90го жакын мамлекетке чакыруу жөнөтүптүр. Биз дагы үч ирет Дүйнөлүк көчмөндөр оюнун өткөргөн тажрыйбасы чоң мамлекеттерге киргендиктен өлкөбүздү ар тараптан жогорку деңгээлде көрсөтүүгө аракет кылабыз. Жалпы Кыргызстандан эле миңге жакын катышуучу барат. Учурда маданият, спорт тармагын таанытуу максатында кызуу даярдык көрүлүүдө", - деди ал.



Эскертүү: Сайтыбыздагы маалыматтарды колдоноордо, биздин сайтка ссылка көрсөтүүнү унутпаңыздар!